Admiral Swansea Bay 10K

Admiral Swansea Bay 10k

Cyflwynwch eich ceisiadau heddiw ar gyfer ras 10k Bae Abertawe Admiral

By

Gwahoddir rhedwyr i gofrestru ar gyfer ras 10K Bae Abertawe Admiral 2020.

Gallwch gyflwyno cais heddiw (TBC) a bydd prisiau cynnar am gofrestru tan ddiwedd mis Chwefror.

Mae’r digwyddiad arobryn – sy’n cynnwys rhai o’r golygfeydd gorau ym maes athletau ar hyd y ffordd – wedi cael ei enwebu unwaith eto ar gyfer gwobr Ras 10k orau’r DU yng Ngwobrau Rhedeg 2020.

Cyngor Abertawe sy’n cynnal y digwyddiad, ac mae’n cael ei noddi gan Admiral am y bymthegfed flwyddyn yn olynol. Yn ogystal â’r ras 10k, bydd rasys iau 1k, 3k a 5k ynghyd â ras 10k mewn cadair olwyn.

Disgwylir i oddeutu 5,000 o bobl gymryd rhan ar ddydd Sul 20 Medi, sef 40fed ras 10k Bae Abertawe. Mae’r ras wedi mynd o nerth i nerth ers ei sefydlu ym 1981 ac mae’r cyngor yn bwriadu dathlu’r pen-blwydd arbennig hwn.

Meddai Robert Francis-Davies, Aelod Cabinet y Cyngor dros Fuddsoddi, Adfywio a Thwristiaeth, “Mae ras 10k Bae Abertawe Admiral yn wych ar gyfer athletwyr ar lefel elît, pobl sy’n codi arian ar gyfer elusennau a’r rheini sy’n ceisio curo’ch amser gorau neu drechu’ch nodau ffitrwydd.

“Gyda chefndir bae hyfryd Abertawe ar gwrs gwastad, mae’r digwyddiad yn un nodedig yn y calendr rhedeg ac mae’n denu cyfranogwyr o bob cwr o’r DU. Mae’n nodwedd boblogaidd iawn o galendr digwyddiadau blynyddol Abertawe.

“Byddem yn annog unrhyw un sydd â diddordeb i gofrestru cyn gynted â phosib er mwyn osgoi cael eich siomi oherwydd unwaith y bydd y lleoedd ar gyfer y ras wedi’u gwerthu, ni fydd rhagor ohonynt.

“Mae’r digwyddiad yn parhau i dderbyn adborth cadarnhaol bob blwyddyn gan gyfranogwyr o’r gorffennol sy’n clodfori safon trefnu’r ras, a’r gefnogaeth maent yn ei derbyn o’r cannoedd o bobl sy’n cefnogi ar hyd y llwybr.”

Bydd prisiau cynnar am gofrestru ar gael tan 29 Chwefror. Ewch i swanseabay10k.com i fanteisio ar y cyfle. Bydd y ffi safonol yn berthnasol o 1 Mawrth.

Elusennau allweddol yn elwa o Ras Masgotiaid 10k Bae Abertawe Admiral

By

Bydd yr RNLI ac Ambiwlans Awyr Cymru ymysg yr elusennau a fydd yn cael sylw yn ystod ras masgotiaid flynyddol 10k Bae Abertawe Admiral y mis hwn.

Bydd Pride Abertawe, Y Gweilch yn y Gymuned, Cash for Kids, elusennau’r Arglwydd Faer a Swans Aid yno hefyd.

A nawr, gydag oddeutu pythefnos i fynd tan y ras fawr, mae’r masgotiaid a fydd yn cymryd rhan yn hyfforddi ar gyfer y foment fawr ddydd Sul, 22 Medi.

Bydd y ras 100m yn dechrau am 11.10am y tu allan i faes San Helen – sef 10 munud ar ôl i’r brif ras ddechrau o’r un lleoliad.

Cyngor Abertawe sy’n trefnu ras 10k Bae Abertawe Admiral, sydd hefyd yn cynnwys rasys 1k a 3k i  blant iau.

Dylai unrhyw grŵp, elusen, sefydliad neu gwmni sydd am i’w masgot gymryd rhan yn y ras 100m – a chael cyfle i ennill y £100 sydd ar gael yn wobr i’r masgot buddugol – e-bostio Lindsay Sleeman neu ei ffonio ar 01792 635428.

Mae Ras 10K Bae Abertawe Admiral wedi ennill y digwyddiad gorau o’i fath yng Nghymru.

By

Best 10k in Wales - Swansea Bay

Daeth y ras flynyddol, a gynhaliwyd eleni ddydd Sul 24 Medi, yn gyntaf yn rowndiau Cymru ar gyfer Gwobrau Rhedeg y DU sydd o fri mawr.

Mae’r system bleidleisio ar-lein bellach wedi ailagor ac mae’n galluogi’r rhai sydd eisoes wedi pleidleisio i bleidleisio eto. Mae Ras 10K Bae Abertawe Admiral ymysg y 12 o rasys sy’n cystadlu am deitl y DU.

Cyngor Abertawe sy’n trefnu 10k Bae Abertawe Admiral, sy’n rhan o raglen blwyddyn gyfan o ddigwyddiadau a gweithgareddau Joio Bae Abertawe.

Ewch i www.therunningawards.co.uk i bleidleisio dros Ras 10k Bae Abertawe Admiral, sy’n cystadlu yn erbyn rasys megis 10k Whitchurch, 10k Berkshire a 10k Doncaster ar y rhestr fer.

Meddai’r Cyng. Robert Francis-Davies, Aelod Cabinet Cyngor Abertawe dros Ddiwylliant, Twristiaeth a Phrosiectau Mawr, “Mae 10k Bae Abertawe Admiral wedi bod yn llwyddiant aruthrol ers iddi gael ei sefydlu ym 1981, gan ddenu miloedd o bobl i gymryd rhan bob blwyddyn.

“Mae’r digwyddiad yn addas ar gyfer athletwyr proffesiynol, rhedwyr amatur a llawer mwy. Gydag ysblander Bae Abertawe yn y cefndir, mae’n un o lawer o ddigwyddiadau sy’n cadarnhau statws Abertawe fel dinas chwaraeon flaenllaw.

“Mae 10k Bae Abertawe Admiral wedi bod ar y rhestr fer ar gyfer gwobr y DU ddwywaith o’r blaen ond nid yw byth wedi ennill. Gallwch helpu i newid hynny drwy bleidleisio dros y digwyddiad cyn gynted â phosib i roi’r gydnabyddiaeth i 10k Bae Abertawe y mae’n wirioneddol yn ei haeddu.”

Yng Ngwobrau Rhedeg y DU 2017, daeth 10k Bae Abertawe Admiral yn ail yng nghategori’r ras 10k orau.

Mae’r cyfle i bleidleisio yn dod i ben ar 15 Mawrth a chynhelir y seremoni wobrwyo ar 19 Ebrill.

Entries open for 2018 Swansea Bay 10k

By

This year’s Admiral Swansea Bay 10k may only just have finished, but entries are already open for next year’s race.

Swansea Council, who run the event, have now confirmed that the 2018 Admiral Swansea Bay 10k will be held on Sunday September 16.

More than 4,500 people took part in this year’s Admiral Bay 10k last month. As well as the main 10k race, there were also 1k, 3k and 5k junior fun runs, along with a 10k wheelchair race and a 100-metre dash for mascots.

Electronic time recording meant that competitors could find out quickly and easily whether their efforts were a personal best on a running-friendly course with some of the finest views anywhere in the country.

Cllr Robert Francis-Davies, Swansea Council’s Cabinet Member for Culture, Tourism and Major Projects, said: “The prospect of a 10k may seem a little daunting to many people, but with entries already open for the 2018 event, it gives people plenty of time to get in shape over the next 12 months.

“Whether you’re a novice runner, an experienced athlete or a fun runner, everyone who takes part in the Admiral Swansea Bay 10k speaks very positively about the experience – whether it’s because of the race’s great organisation, the scenic course, the money you raise for charity or the feeling when you cross the finish line.

“These are among the reasons why the event has again been shortlisted for the best 10k of its kind in the UK at the 2018 Running Awards.”

Head to www.swanseabay10k.com to enter next year’s 10k or to www.therunningawards.com to vote for the 10k in the 2018 Running Awards.

Official race photographs from this year’s race are also now available at www.photo-fit.net

Enter the 2018 race today!

Cofrestru’n dechrau ar gyfer 10k Bae Abertawe 2018

By

Efallai fod 10k Bae Abertawe Admiral newydd orffen, ond mae cofrestru eisoes wedi dechrau ar gyfer ras y flwyddyn nesaf Swansea Bay 10k. Mae Cyngor Abertawe, sy’n cynnal y digwyddiad, bellach wedi cadarnhau y cynhelir 10k Bae Abertawe Admiral 2018 ddydd Sul 16 Medi.

Cymerodd mwy na 4,500 o bobl ran yn ras 10K Bae Abertawe Admiral y mis diwethaf. Yn ogystal â’r brif ras, sef y 10k, bu rasys iau 1k, 3k a 5k yn ogystal â ras gadair olwyn 10k a sbrint 100 metr i fasgotiaid.

O ganlyniad i recordio amserau electronig, gallai cystadleuwyr ddarganfod yn gyflym ac yn hawdd a oedd eu hymdrechion yn ddigon i guro eu hamser personol gorau ar gwrs sy’n hwylus i redwyr ac sy’n cynnig rhai o’r golygfeydd godidocaf yn y wlad.

Meddai’r Cyng. Robert Francis-Davies, Aelod Cabinet Cyngor Abertawe dros Ddiwylliant, Twristiaeth a Phrosiectau Mawr, “Efallai fod meddwl am redeg 10k braidd yn arswydus i rai pobl, ond gyda chofrestru eisoes wedi dechrau ar gyfer digwyddiad 2018, mae gan bobl ddigon o amser i baratoi dros y 12 mis nesaf.

“P’un a ydych yn rhedwr newydd, yn athletwr profiadol neu’n rhedwr hamdden, mae pawb sy’n cymryd rhan yn 10k Bae Abertawe Admiral yn siarad yn gadarnhaol iawn am y profiad – o ganlyniad i’r ffordd wych y trefnir y ras, y cwrs deniadol, yr arian a godir ar gyfer elusennau neu’r teimlad o groesi’r llinell derfyn.

“Dyma rai o’r rhesymau pam mae’r digwyddiad wedi cyrraedd y rhestr fer eto ar gyfer y ras 10k orau o’i bath yng Ngwobrau Rhedeg 2018.”

Ewch i www.10kbaeabertawe.com i gofrestru ar gyfer ras 10k y flwyddyn nesaf neu www.therunningawards.com i fwrw pleidlais dros y 10k yng Ngwobrau Rhedeg 2018.

Mae ffotograffau swyddogol o ras eleni bellach ar gael www.photo-fit.net

Cofrestrwch ar gyfer y ras 2018 nawr