Admiral Swansea Bay 10K

Admiral Swansea Bay 10k

Enter now

Gweithredydd rhyngwladol i gael ei chydnabod gan ras 10k Bae Abertawe Admiral

By

Gweithredydd rhyngwladol i gael ei chydnabod gan ras 10k Bae Abertawe Admiral

Bydd seren y byd rhedeg pellter hir yn cael ei chydnabod gan ras 10k Bae Abertawe Admiral ddydd Sul.

Bydd trefnwyr y digwyddiad yn cydnabod Kathrine Switzer am ei rhedeg a’i gweithrediaeth gymdeithasol dros chwaraeon i fenywod.

Bydd dyfyniad gan Switzer, a fydd ar bob crys T a roddir i’r rheiny sydd wedi cofrestru ar gyfer y ras ffordd, yn annog rhedwyr i fod yn ddewr ac yn ddiofn.

Mae’n dweud, “All you need is the courage to believe in yourself and put one foot in front of the other.”

Mae Switzer yn adnabyddus am ei hymdrechion blaengar o ran rhedeg a’i chyfraniadau gydol gyrfa at chwaraeon drwy’i gwaith fel eiriolwr dros chwaraeon i fenywod a byw’n iach.

Dywedodd Kathrine Switzer, “Hoffwn i redeg ras 10K Bae Abertawe Admiral fy hun yn y dyfodol. Mae’r digwyddiad yn datblygu mewn statws bob blwyddyn ac rwy’n gobeithio y bydd miloedd o bobl ar hyd y llwybr i gefnogi’r cyfranogwyr.”

Dywedodd y Cyng. Robert Francis-Davies, Aelod Cabinet Cyngor Abertawe dros Arloesedd, Adfywio a Thwristiaeth, “Mae Kathrine Switzer a’i sefydliad nid er elw, 261 Fearless, wedi ysbrydoli miliynau o bobl ar draws y byd. Rwyf wrth fy modd ei fod wedi cytuno i’n galluogi i ddefnyddio dyfyniad Kathrine ar ein crysau T ar gyfer y digwyddiad. Mae’n sicr o ysbrydoli’r 5000 o redwyr y disgwylir iddynt gymryd rhan.”

Ras 10k Bae Abertawe Admiral bellach yw’r ras orau yng Nghymru. Y penwythnos hwn, gyda chefndir hardd Bae Abertawe, bydd rhedwyr o bob lefel a phrofiad yn cystadlu yn y ras 10k. Cynhelir rasys iau 1K, 3K a 5K er mwyn rhoi cyflwyniad i redwyr ifanc, ni waeth beth yw eu rhyw, i’r gamp. Cynhelir hefyd ras 10k mewn cadeiriau olwyn a Ras y Masgotiaid gan Fae Abertawe.

Llun Crys T ar gyfer Ras 10K Bae Abertawe Admiral sy’n cynnwys dyfyniad gan Kathrine Switzer.

Yn galw ar bob arth, crwban, aderyn a mwy…

By

Bydd Cerebra, The Paul Popham Fund a Make Some Noise gan Global ymhlith y rhai a fydd yn elwa o ras flynyddol y masgotiaid yn ras 10k Bae Abertawe Admiral a gynhelir yn ddiweddarach y mis hwn.

Ar hyn o bryd, gydag ychydig dros wythnos i fynd cyn y ras fawr, mae’r masgotiaid sy’n bwriadu cymryd rhan wedi bod yn hyfforddi ar gyfer eu ras 100 metr a gynhelir ddydd Sul 16 Medi.

Bydd y ras 100 metr yn dechrau 10 munud ar ôl y brif ras y tu allan i Faes Rygbi San Helen.

Mae’r masgotiaid a fydd yn cymryd rhan yn cynnwys Sparky o Cerebra, Tommy the turtle o’r LC a Jagger o Heart FM y bydd ei gwrandawyr yn dewis ei wisg dros yr wythnosau i ddod.

Cyflwynir y ras 10k Bae Abertawe Admiral, sydd hefyd yn cynnwys rasys iau 1k, 3k a 5k, gan Gyngor Abertawe.

Dywedodd y Cyng. Robert Francis-Davies, Aelod y Cabinet dros Arloesedd, Adfywio a Thwristiaeth, “Mae ras 10k Bae Abertawe Admiral yn ddigwyddiad anhygoel i gymryd rhan ynddo ond mae hefyd yn ddigwyddiad gwych ar gyfer gwylwyr, gyda miloedd o bobl yn bresennol ar hyd Bae Abertawe i wylio eu ffrindiau a’u hanwyliaid wrth iddynt gymryd rhan yn y ras.

“Dros y blynyddoedd, mae ras y masgotiaid wedi datblygu i fod yn rhan allweddol o’r digwyddiad, gan gynnig adloniant i wylwyr wrth helpu i godi arian ar gyfer llawer o elusennau gwerth chweil. Mae’n ychwanegu elfen o hwyl at ddigwyddiad sy’n addas i deuluoedd wrth ddiwallu anghenion athletwyr profiadol, codwyr arian a phobl sydd am gyflawni eu heriau ffitrwydd personol.”

Dylai unrhyw grŵp, elusen, sefydliad neu gwmni a hoffai i’w masgot gymryd rhan yn y ras 100 metr a chael cyfle i ennill y £100 sydd ar gynnig i’r masgot sy’n ennill y ras, e-bostio Lindsay Sleeman ar lindsay.sleeman@abertawe.gov.uk neu ffonio 01792 635428.

Mae croeso i wylwyr o 10am – cynhelir rasys iau o 10.45am i 12pm a bydd y brif ras 10k yn dechrau am 1pm.

Mae Ras 10K Bae Abertawe Admiral wedi ennill y digwyddiad gorau o’i fath yng Nghymru.

By

Best 10k in Wales - Swansea Bay

Daeth y ras flynyddol, a gynhaliwyd eleni ddydd Sul 24 Medi, yn gyntaf yn rowndiau Cymru ar gyfer Gwobrau Rhedeg y DU sydd o fri mawr.

Mae’r system bleidleisio ar-lein bellach wedi ailagor ac mae’n galluogi’r rhai sydd eisoes wedi pleidleisio i bleidleisio eto. Mae Ras 10K Bae Abertawe Admiral ymysg y 12 o rasys sy’n cystadlu am deitl y DU.

Cyngor Abertawe sy’n trefnu 10k Bae Abertawe Admiral, sy’n rhan o raglen blwyddyn gyfan o ddigwyddiadau a gweithgareddau Joio Bae Abertawe.

Ewch i www.therunningawards.co.uk i bleidleisio dros Ras 10k Bae Abertawe Admiral, sy’n cystadlu yn erbyn rasys megis 10k Whitchurch, 10k Berkshire a 10k Doncaster ar y rhestr fer.

Meddai’r Cyng. Robert Francis-Davies, Aelod Cabinet Cyngor Abertawe dros Ddiwylliant, Twristiaeth a Phrosiectau Mawr, “Mae 10k Bae Abertawe Admiral wedi bod yn llwyddiant aruthrol ers iddi gael ei sefydlu ym 1981, gan ddenu miloedd o bobl i gymryd rhan bob blwyddyn.

“Mae’r digwyddiad yn addas ar gyfer athletwyr proffesiynol, rhedwyr amatur a llawer mwy. Gydag ysblander Bae Abertawe yn y cefndir, mae’n un o lawer o ddigwyddiadau sy’n cadarnhau statws Abertawe fel dinas chwaraeon flaenllaw.

“Mae 10k Bae Abertawe Admiral wedi bod ar y rhestr fer ar gyfer gwobr y DU ddwywaith o’r blaen ond nid yw byth wedi ennill. Gallwch helpu i newid hynny drwy bleidleisio dros y digwyddiad cyn gynted â phosib i roi’r gydnabyddiaeth i 10k Bae Abertawe y mae’n wirioneddol yn ei haeddu.”

Yng Ngwobrau Rhedeg y DU 2017, daeth 10k Bae Abertawe Admiral yn ail yng nghategori’r ras 10k orau.

Mae’r cyfle i bleidleisio yn dod i ben ar 15 Mawrth a chynhelir y seremoni wobrwyo ar 19 Ebrill.

Ffyrdd ar gau

By

Bydd nifer o ffyrdd ar gau ddydd Sul ar gyfer ras 10k Bae Abertawe Admiral.

Disgwylir y bydd tua 4,500 o redwyr yn cymryd rhan yn y brif ras, sy’n dechrau y tu allan i Faes Rygbi San Helen am 1pm ac yn mynd i’r Mwmbwls ac yn ôl.

Cyngor Abertawe sy’n gyfrifol am y digwyddiad. Bydd rasys eraill yn cael eu cynnal ar y diwrnod hefyd, gan gynnwys rasys 1k, 3k a 5k ar gyfer y rhai iau yn ogystal â’r ras 100 metr draddodiadol i fasgotiaid. Mae’r holl leoedd ar gyfer pob ras (heblaw am y masgotiaid) bellach yn llawn, felly ni fydd pobl yn gallu cofrestru  i gymryd rhan ar y diwrnod.

Bydd y ffyrdd a restrir isod ar gau rhwng tua 12pm a 2pm.

Amcangyfrifon yw’r amseroedd ailagor oherwydd maent yn dibynnu ar gyflymder y rhedwyr.

Lle bo’n bosib mae llwybrau dargyfeirio ar gael. Darperir gwybodaeth i’r holl leoliadau ger y cwrs y gallai’r trefniadau effeithio’n uniongyrchol arnynt.

Amseroedd* Ffordd Nodiadau
12:00 – 13:30 Heol y Mwmbwls Ffordd ar gau rhwng Heol Neuadd y Ddinas-De a Lôn Sgeti.
12:00 – 13:30 Lôn Brynmill Ffordd ar gau rhwng Heol y Mwmbwls a Heol Bryn, ac eithrio mynediad i gyfeiriad y de i’r Rec gerllaw Lôn Brynmill ar gyfer parcio, os bydd lle ar gael.
12:00 – 12:45 Lôn Sgeti Troi i’r dde yn unig ar Heol y Mwmbwls .
12:45 – 13:45 Lôn Sgeti Ffordd ar gau (i gyfeiriad y de)

Cynhelir mynediad i Ysbyty Singleton a Phwll Cenedlaethol Cymru
12:45 – 13:45 Heol y Mwmbwls Ffordd ar gau i gyfeiriad y Mwmbwls yn unig rhwng Lôn Sgeti a Heol Mayals.

Troi i’r chwith yn unig (tuag at ganol y ddinas) o Heol Ashleigh, Heol Derwen Fawr, Lôn y Felin a Heol Mayals.
12:45 – 13:45 Heol y Mwmbwls Ffordd ar gau rhwng Heol Mayals a Heol Fairwood.
12:45 – 14:00 Heol y Mwmbwls Ffordd ar gau i gyfeiriad y Mwmbwls yn unig rhwng Heol Fairwood a Heol Newton .

Troi i’r chwith yn unig tuag at ganol y ddinas o Heol Alderwood, Lôn Bethany, Palmyra Court, Rhodfa Norton a Heol Newton.

 

Rhedwyr gosod cyflymder yn barod i helpu

By

Rhedwyr gosod cyflymder yn barod i helpu rhedwyr y 10k i guro eu hamserau gorau

Mae ras 10k Bae Abertawe Admiral ar y gorwel a gall y rhedwyr sydd am gyflawni amser penodol wneud hynny gyda chymorth rhedwr gosod cyflymder.

Rhedwyr profiadol sydd wedi’u hyfforddi i helpu raswyr i gyflawni eu hamser gorffen targed yw rhedwyr gosod cyflymder. Mae llawer o rasys, gan gynnwys marathonau, yn aml yn cynnwys rhedwyr gosod cyflymder, sy’n cynorthwyo rhedwyr eraill i gynnal cyflymder cyson drwy’r ras.

Yn ras 10k Bae Abertawe Admiral eleni, bydd 4 rhedwr gosod cyflymder ar gyfer amserau gorffen o 40 munud, 45 munud, 50 munud ac awr.

Meddai’r Cyng. Robert Francis-Davies, Aelod Cabinet Cyngor Abertawe dros Fenter, Datblygu ac Adfywio, “Gyda’i llwybr gwastad a godidog, mae 10k Bae Abertawe Admiral yn cynnig cyfle gwych i guro eich amser gorau, ac mae’r rhedwyr gosod cyflymder profiadol, sy’n wirfoddolwyr, yn ffordd ardderchog o helpu rhedwyr i gyflawni eu nodau personol.

“Gan fod pob lle ar gyfer y ras wedi’i lenwi, mae’r cyffro’n dechrau cynyddu ar gyfer y digwyddiad, a fydd eto’n denu miloedd o bobl. Mae’r ras wedi mynd o nerth i nerth ers ei sefydlu ym 1981 i fod yn un o’r gorau o’i bath yn y DU ac mae ei lleoliad ar hyd y bae’n berffaith ar gyfer rhedwyr a gwylwyr.

“Mae chwaraeon yn rhan sylweddol o ddiwylliant y DU, gyda digwyddiadau ledled y wlad yn denu llawer o gyfranogwyr a gwylwyr. Disgwylir miloedd o redwyr a gwylwyr ar gyfer Ras 10k Bae Abertawe Admiral eleni, sy’n arwydd clir pam mae Abertawe wedi cyflwyno cais am deitl Dinas Diwylliant y DU 2021.”

Cynhelir y ras ddydd Sul, 24 Medi; yn ogystal â’r prif ddigwyddiad, sef y 10k, bydd rasys iau 1k, 3k a 5k, a ras gadair olwyn 10k. Cynhelir sbrint blynyddol y masgotiaid dros 100 metr ychydig ar ôl y ras 10k, o’r tu allan i faes San Helen. Croesewir gwylwyr o 10am.

Yr wybodaeth ddiweddaraf

Cofrestrwch ar gyfer ein rhestr bostio er mwyn cael y newyddion a’r diweddaraf am y 10k drwy e-bost

Cysylltwch â ni

Digwyddiadau Darganfod Bae Abertawe

Dewch o hyd i arweiniad cynhwysfawr ar gyfer digwyddiadau eraill a gynhelir ym Mae Abertawe eleni ar wefan Joio Bae Abertawe

Joio Bae Abertawe

DILYNWCH NI

Cyngor Abertawe

Swansea Council logo